Vdes papritur mjeku rus që trajtoi Alexey Navalnyn pas helmimit

Një mjek në spitalin rus ku lideri i opozitës Alexey Navalny u trajtua menjëherë pasi u helmua ka vdekur, tha spitali të enjten.  Sergey Maximishin, i cili ishte zëvendësmjeku kryesor i spitalit të urgjencës në Omsk, “papritmas” vdiq në moshën 55 vjeç, sipas një deklarate të lëshuar nga spitali. “Me keqardhje, ju informojmë se … zëvendës mjeku kryesor për anesteziologji dhe reanimacion të spitalit të urgjencës nr.1, asistent i departamentit të Universitetit Shtetëror Mjekësor të Omsk, PhD i shkencave mjekësore, Maksimishin Sergey Valentinovich papritmas ndërroi jetë”, – tha spitali në një deklaratë, e cila nuk përmendte një shkak të vdekjes, shkruan Ora News. Navalny u pranua fillimisht në njësinë akute të helmimit të spitalit emergjent nr.1 të Omsk më 20 gusht, pasi u sëmur nga ekspozimi ndaj lëndës Novichok në një aeroplan që po udhëtonte nga Siberia në Moskë.
Aeroplani bëri një ulje emergjente në Omsk. Maximishin nuk dha asnjë njoftim për shtyp në kohën e shtrimit në spital të Navalny.