Vera ka ardhur, dhe bashkë me të edhe rreziqet e zjarreve në pyje, cili është ndikimi i tymit të zjarrit në tru?

Hulumtime të tjera nga Australia, ku zjarret në shkurre janë të zakonshme, kanë zbuluar se grimcat e imëta në tym shkaktojnë stres oksidativ – një gjendje në të cilën molekulat e paqëndrueshme në trup dëmtojnë qelizat. Kjo, nga ana tjetër, çon në inflamacion në tru, gjë që rrit ndjeshëm rrezikun e dëmtimit njohës, humbjes së kujtesës dhe ndjeshmërisë ndaj sëmundjeve neurodegjenerative si Alzheimeri dhe Parkinson.

Një përmbledhje sistematike e hulumtimit të publikuar vitin e kaluar përmblodhi këto gjetje dhe sugjeroi që ekspozimi ndaj nxehtësisë ekstreme dhe tymit – fenomene që po bëhen gjithnjë e më të zakonshme për shkak të ndryshimeve klimatike – ka efekte afatgjata në aftësinë e trupit për të rregulluar temperaturën, në funksionin njohës dhe, në fund të fundit, rrit rrezikun e zhvillimit të sëmundjeve neurologjike.

Provat shkencore tregojnë qartë se ekspozimi ndaj tymit të zjarreve dhe nxehtësisë ekstreme ka efekte të dëmshme në tru. Por çfarë mund të bëjmë për të minimizuar këto rreziqe?

Mark Lacks, kryetar i departamentit të geriatrisë dhe mjekësisë paliative në Kolegjin Mjekësor Weill Cornell, sugjeron disa masa praktike për të mbrojtur veten gjatë zjarreve:

– Investoni në një pastrues ajri për shtëpinë tuaj;
– Nëse ka tym të zjarreve në zonën tuaj, mbani dritaret dhe dyert të mbyllura;

Nëse duhet të jeni jashtë, shmangni aktivitetet fizike të lodhshme si vrapimi ose kositja e lëndinës, pasi ato rrisin ritmin e frymëmarrjes.