Vëzhgues serbë të zgjedhjeve parlamentare në Serbi, besohet se po vjedhin vota për presidentin Aleksandar Vuçiq

Vëzhgues serbë të zgjedhjeve parlamentare në Serbi që janë nga Mitrovica dhe disa vëzhgues hungarezë nga Vojvodina, besohet se po vjedhin vota për presidentin Aleksandar Vuçiq, bëjnë të ditur burime të KosovaPress-it.

Se, po vidhen votat në Serbi dëshmojnë edhe dy video që janë publikuar në faqen e Telegramit “Evroazijski Put” (“Rruga euroaziatike), nga Rashka.

Sipas të dhënave të publikuara në faqe, personi që shihet në video po i paguan votuesit për të votuar për partinë SNS të Vuçiqit.

Sipas postimeve nga profili me emrin “NikitaNikadLudja”, në Rashkë janë duke u vjedhur vota nga vëzhgues nga Mitrovica dhe disa hungarezë të Vojvodinës.