VIDEO | Astronautët kanë gjetur domaten që kishte humbur në hapësirë për 8 muaj
Nga Stacioni Ndërkombëtar i Hapësirës ka mbërritur lajmi se misteri i zhdukjes së domates është zbardhur dhe se Frank Rubio është pastruar nga dyshimet.
Misteri i ushqimit hapësinor, një thesar i vërtetë kur bëhet fjalë për kushtet e jetesës në orbitë, më në fund është zgjidhur. Domatja e vogël që astronauti i NASA-s Frank Rubio humbi pasi e mori në mars, më në fund u shfaq në Stacionin Ndërkombëtar të Hapësirës (ISS), më shumë se tetë muaj më vonë. Kështu, historia kriminale në hapësirë mori një epilog.
ISS astronauts find tomato that was lost in space for 8 months (video) https://t.co/xuhubFT2Ku pic.twitter.com/0K7piAvunx
— All About Space (@spaceanswers) December 6, 2023
– Miku ynë i mirë Frank Rubio, i cili tashmë ka shkuar në shtëpi, dyshohej për një kohë të gjatë se kishte ngrënë domate. Por tani ne mund ta çlirojmë atë nga ky dyshim. E gjetëm domaten – tha astronautja Jazmine Mogbeli gjatë kremtimit të 25 viteve të punës në Stacionin Ndërkombëtar të Hapësirës, shkruan “Live Science” (LiveScience) .
Ajo nuk tha asgjë më shumë për këtë, por zhdukja e ushqimit të freskët në orbitë, një incident i vogël, u kthye në një krim të vërtetë hapësinor për amerikanin që theu rekordin e qëndrimit më të gjatë në orbitë këtë vjeshtë.
Domatet e kuqe xhuxh të varietetit red robin, rreth 2.5 cm në diametër, u korrën gjatë eksperimentit Veg-05. Çdo astronaut në stacion mori një mostër të domateve kur ato u zgjodhën më 29 mars, por pjesa e Rubios u largua përpara se ai të mund ta shijonte. Megjithatë, shumë nuk e besuan dhe menduan se ai kishte ngrënë perime.
Domatja e munguar u përmend për herë të parë më 13 shtator nga vetë Rubio.
– E kërkoja atë punë për kaq shumë kohë. Jam i sigurt se domatja do të shfaqet dhe do të më çlirojë, ndoshta pas pak vitesh – tha atëherë.
Siç shkruan “Live Science”, Stacioni Ndërkombëtar i Hapësirës është i madh sa një shtëpi me gjashtë dhoma dhe në mikrogravitet gjërat mund të fluturojnë lehtësisht dhe të hyjnë në qoshe të papritura. Dhe stacioni është plot me gjëra dhe instrumente të sjella atje mbi një çerek shekulli.
Rubio kaloi 371 ditë në orbitë, së bashku me kozmonautët rusë Sergey Prokopyev dhe Dmitry Petelin. Duke bërë këtë, ai vendosi një rekord për kohën e kaluar nga astronautët në hapësirë, por jo rekordin rus të mbajtur nga Valery Polyak, i cili ishte në orbitë për 437,75 ditë.
Pas kthimit në Tokë, Rubio foli se sa e vështirë ishte përshtatja me gravitetin.
– Ecja ishte e dhimbshme në ditët e para. Këmbët dhe pjesa e poshtme e shpinës janë veçanërisht të dhimbshme. Mendoj se arsyeja e dhimbjes është fakti që pjesa e poshtme e shpinës tani mban gjysmën e peshës së trupit – tha ai në tetor në një konferencë në Qendrën Hapësinore Johnson në Hjuston.
