VIDEO/ Fjalët lamtumirëse të Roxher Federerit nga tenisi

Në historinë e tenisit ka gjithnjë data historike. E tillë do të jetë edhe 15 shtatori, dita kur Roxher Federer zyrtarizoi tërheqjen e tij nga sporti. Tenisti zviceran, më i dashuri nga të gjithë, ka zyrtarizuar lamtumirën e tij nga sporti që ai e do aq shumë dhe që e bëri të famshëm anembanë botës.

Turneu i tij i fundit do të jetë ai i “Laver Cup”, fundjavën e ardhshme në Londër (23-25 shtator). Ky është eventi që tenisti zviceran e ka organizuar vetë dhe ku do të japë lamtumirën e tij. Kjo do të jetë hera e fundit ë do të shohim në fushë Federer, tashmë 41 vjeç, që nuk luan prej më shumë se një viti (Umbëlldon 2021).

Roxher Federeri ka zyrtarizuar lamtumirën e tij përmes një letre të hapur publikuar në rrjetet sociale. Fituesi i 20 grand slam, fituesi i 103 tofeve në karrierën e tij, ka vendosur të ndalet. Kështu, viti 2022 do të jetë i trishtë për sportin e tenisit, pasi brenda pak muajsh i thanë “lamtumirë” këtij sporti dy nga ikonat e këtij sporti: Serena Uiliams e Roxher Federer.

“Nga të gjitha dhuratat që më ka bërë sporti i tenisit, më i madhi është ai i dashurisë së fansave dhe njerëzve që kam patur shansin të njoh përgjatë këtij rrugëtimi. Ndaj, dëshiroj ta ndaj me ju këtë lajm. Turneu i Laver Cup do të jetë eventi im i fundit.

E di që do të më mungojë gjithçka kam bërë gjatë këtyre 24 viteve. Gjithsesi, gjatë 3 viteve të fundit kam patur shumë probleme dhe dëmtime. Tenisi më ka trajtuar në mënyrë shumë bujare, madje nuk e kisha imagjinuar kaq shumë. Tani e kuptoj se ky është momenti për të mbyllur karrierën time”, shkruan zvicerani.

To my tennis family and beyond,

With Love,
Roger pic.twitter.com/1UISwK1NIN

— Roger Federer (@rogerfederer) September 15, 2022