VIDEO / Incidenti pa pasojë, përplasja e çiklistit me dhinë në Vlorë
Xhiro e Italisë mbylli etapën e tretë dhe të fundit në Shqipëri. Çiklistët garuan në Vlorë ku një episod gazmor, që nuk solli incidente, u regjistrua. Një dhi i ndërpreu rrugën disa çiklistëve, për t’u përplasur më pas me Dion Smith. 32-vjeçari e menaxhoi si duhet situatën, ndërsa e komentoi pas përfundimit të garës.
“Nuk kisha shumë kohë për të menduar. Mund ta shikoja, 10 sekonda përpara, polici që u mundua t’i mbante të gjithë, dhe më pas një ose dy po kalonin. Nuk e dija në cilën anë do kalonte. Isha me fat që qëndrova pa rënë. Nuk e dija në cilën anë do të shkonte, çdokush tjetër shkoi majtas, ndërsa unë zgjodha djathtas. Në fund shkoi mirë”, u shpreh çiklisti i Zelandës së Re/ Panoramasport.al
https://streamin.one/v/4d720171
