Yevgeny Prigozhin, themeluesi i kompanisë ushtarake private ruse Wagner, është shfaqur në një video-mesazh të ri që dyshohet se është filmuar në Afrikë. Video mesazhi është publikuar në kanalin Telegram të Razgruzhka Wagner, shkruan Ukrainska Pravda .
Në video, Prigogine pretendon se temperatura e ajrit ku ndodhet është 50 gradë Celsius.
new video with Yevgeny Prigozhin appeared from Africa.
“We are working. Temperature +50°. Everything we love. The Wagner Group conducts reconnaissance and search activities. Makes Russia even greater on all continents! And Africa even more free. Justice and happiness for the… pic.twitter.com/unNuPV29v4
— Sprinter (@Sprinter99800) August 21, 2023
“Ne po e bëjmë Rusinë edhe më të madhe, në të gjitha kontinentet. Dhe Afrika është edhe më e lirë. Drejtësi dhe lumturi për popujt afrikanë. Një makth për ISIL-in, Al Kaedën dhe banditët e tjerë”, tha ai.
Grupi Wagner luajti një rol të rëndësishëm në pushtimin rus të Ukrainës dhe ishte veçanërisht aktiv gjatë betejave për qytetin Bakhmut në Ukrainën lindore. Në fund të pranverës ata njoftuan se po tërhiqeshin në kampet e tyre për t’u rikuperuar nga humbjet e rënda. Sidoqoftë, më 24 qershor, ata filluan një rebelim të armatosur në Rusi për shkak të një konflikti me komandën ushtarake të Federatës Ruse.
Rebelimi u shua përfundimisht nga ndërhyrja e presidentit bjellorus, Aleksandër Lukashenko. Prigozhin njoftoi se luftëtarët e tij po ktheheshin në kampet e tyre, ndërsa autoritetet ruse nga ana e tyre hoqën procedurën penale kundër shefit Wagner. Marrëveshja nënkuptonte gjithashtu se Prigozhin do të shkonte në Bjellorusi.
