VIDEO | Më shumë se 200,000 tulipanë të shpërndarë në Ditën Kombëtare të Tulipanëve në Amsterdam
Mijëra njerëz u mblodhën në Amsterdam, Holandë të shtunën për të festuar Ditën Kombëtare të Tulipanëve.
Për atë rast, kultivuesit e tulipanëve krijuan një kopsht shumëngjyrësh të përbërë nga 200 mijë tulipanë të varieteteve dhe ngjyrave të ndryshme në sheshin Museumplein, frymëzuar nga një detaj nga piktura e Johannes Vermeer-it “The Mistress and the Maid”, shkruan “Euronews”.
Si pjesë e festës, banorët dhe vizitorët në Amsterdam patën mundësinë të zgjidhnin tulipanët nga kopshti falas. Tema e Ditës Kombëtare të Tulipanëve të këtij viti ishte ‘Let’s Dance!’, dhe kopshti u hap nga i ftuari special DJ Hardwell.
The opening of National Tulip Day 2023 in Amsterdam. With the music of the Dutch DJ Armin van Buuren and a lot of fire, the picking garden was opened at 1 pm.💕🌷#travel to the #tulipsinholland spring 2023 https://t.co/JgUFEZIN9S #timefortulips #tijdvoortulpen #arminvanbuuren pic.twitter.com/PbwHfUs0na
— Tulips in Holland (@tulips_holland) January 22, 2023
E ftuara speciale e ditës ishte patinatorja holandeze Irene Schutten, vajza e kultivuesit më të mirë të tulipanëve, Klas Schutten.
Dita Kombëtare e Tulipanëve zakonisht mbahet të shtunën e tretë të janarit dhe tërheq kopshtarë profesionistë dhe amatorë, si dhe qindra krijues të lumtur të përmbajtjes dixhitale çdo vit.
Gjatë sezonit, kultivuesit holandezë rritin midis 1.7 dhe 1.9 miliardë tulipanë, të cilët eksportohen në më shumë se 100 vende në mbarë botën.
