VIDEO/Ylli francez realizon dopietë ndaj Betisit, siguron 3 pikë të çmuara Realit

Reali i Madridi u rikthye te fitorja në kampionat, teksa mposhti Betisin me rezultatin 2-0, në duelin e vlefshëm për javën e katërt të La Ligës.

Heroi i madrilenëve në këtë duel ishte Kilian Mbape, i cili duket se ka ndezur “turbot” duke shënuar 2 golat për skuadrën e Ançelotit. Këto ishin edhe golat e parë për Mbape në këtë sezon me Realin në kampionat. Pas këtij zhbllokimi, tani e gjithë skena është për ylli francez, për të shprehur të gjithë potencialin e mundshëm.

Vlen të theksohet fakti se të dyja golat u shënuan në pjesën e dytë në minutat 67 dhe 75.  I pari erdhi pas asistit të Valverdes, ndërsa i dyti u shënua me penallti. Duelin e radhës Reali e luan në transfertë ndaj Real Sosiedadit.