Vrasja e dyfishtë, avokatët e të pandehurve kërkojnë aktgjykim me lirim

Avokatët e të pandehurve Vlatko Keshishev, Bore Videvski dhe Velibor Manev për rrëmbimet dhe vrasjet e 14-vjeçares Vanja Gjorçevska dhe 73-vjeçarit Pançe Zhezovski kërkuan aktgjykim me lirim. Në fjalët përmbyllëse, mbrojtja e këtyre të pandehurve deklaroi se gjykata nuk kishte dëshmi, se i kishin kryer veprat dhe fajin ia hodhën të pandehurit të parë Ljupço Palevski. Avokati i Keshishevit, Igor Efremov, thotë se gjykata duhet të marrë parasysh edhe qëndrimin vartës të Keshishevit ndaj Palevskit, për të cilin ai kishte frikërespekt.

“Ne besojmë se Vlatko Keshishev duhet të lirohet nga akuzat kundër tij në pjesën e dy veprave penale “vrasje” dhe vepra tjetër e rrëmbimit në Veles për të dëmtuarin Pançe Zhezhovski, sepse ai nuk ka ndërmarrë asnjë veprim as si ekzekutues dhe as si bashkë-ekzekutues i ndonjë veprimi për të kryer vepra të tilla penale. Konkretisht, le të marrë parasysh gjykata, supozojmë se do të marrë parasysh frikën e tij, vartësinë e tij dhe llojin e pengut që ai ndjeu nga i pandehuri i parë Palevski, në mënyrë që, siç deklaroi ai, të veprojë sipas urdhrave të të pandehurit Palevski. Ne besojmë se e vetmja gjë në të cilën vetë Keshishev konfirmoi se kishte marrë pjesë ishte në rrëmbimin e të dëmtuarës Vanja Gjorçevska. Ne besojmë se edhe këtu nuk ka baza për bashkëkryerje, aq më pak për një bashkëkryerës në pjesën e vrasjes së Vanja Gjorçevskës”, deklaroi Igor Efremov, avokat i të pandehurit Vlatko Keshishev. /Alsat.mk