Wagner mund të përshpejtojë rekrutimin jashtë Rusisë, duke përfshirë Ballkanin Perëndimor

Matveeva thotë se me mbylljen e zyrave të Wagner në Rusi, është e arsyeshme që Prigozhin ka të ngjarë të rrisë rekrutimin jashtë Rusisë. Ajo shton se dihet se Wagner ka rekrutuar në Serbi që nga viti 2014.

Udhëheqësi i grupit paraushtarak Wagner, Yevgeny Prigozhin, mund të rrisë rekrutimin jashtë Rusisë ose Bjellorusisë, dhe Ballkani Perëndimor është një opsion për Wagner. Kështu ka thënë Anna Matveeva nga Instituti RUSI dhe studiuese në King’s College në Londër në një intervistë për Radion Evropa e Lirë.

Matveeva thotë se me mbylljen e zyrave të Wagner në Rusi, është e arsyeshme që Prigozhin ka të ngjarë të rrisë rekrutimin jashtë Rusisë. Ajo shton se dihet se Wagner ka rekrutuar në Serbi që nga viti 2014, dhe se luftëtarët serbë të Wagnerit kanë qenë në Siri.

Ajo shton se Prigozhin do të transferohet në Bjellorusi, por kjo nuk do të thotë se ai do të qëndrojë atje dhe ekziston mundësia që ai përfundimisht të lejohet të shkojë me disa nga luftëtarët e tij në Afrikë.

“Disa nga luftëtarët e tij me siguri do të nënshkruajnë kontrata me Ministrinë e Mbrojtjes, të tjerët do të lëvizin me të në Afrikë dhe ai do të jetë atje për një kohë, para se të hapet kapitulli tjetër i jetës politike ruse”, thotë Matveeva në intervistë.

Sanksionet kundër Wagner nga vendet perëndimore janë kryesisht simbolike, pasi Wagner nuk ka blerë kurrë armë drejtpërdrejt nga Perëndimi, tha ajo.

Intervistën e plotë me Anna Matveeva mund ta lexoni KËTU.