Xhaka vonohet në stërvitje, reagojnë kolegët e tij

Kombëtarja e Zvicrës ka filluar stërvitjet në prag të fillimit të ciklit kualifikues për Kampionatin Evropian të vitit 2024. Të hënën, skuadra u mblodh në qendrën stërvitore nën urdhrat e trajnerit Murat Jakin në ora 11:00, por kapiteni Granit Xhaka u vonua dhe u paraqit pak para orës 13:00.

Xhaka erdhi me një Lamborghini dhe me t’u futur në fushë, u ngacmua nga shoku i skuadrës Breel Embolo duke thënë: “Kjo duhet të të kushtojë diçka”, por e menjëhershme ishte përgjigjja e Xhakës.

“As ju nuk jeni më i mirë se unë në këtë aspekt, ”tha mes tjerash Xhaka.

Të premten pasdite kombëtarja e Zvicrës do të fluturojë drejt Serbisë, ku të shtunën do të zhvillohet starti kualifikues ndaj Bjellorusisë.