Zaev: Nuk jemi larg marrëveshjes me Bullgarinë

Për herë të parë gjatë javëve të fundit, kryeministri Zaev theksoi se Shkupi e Sofja nuk janë larg marrëveshjes. Zaev u shpreh optimist se palët mund t’i kapërcejnë dallimet deri në mbledhjen e ardhshme të Këshillit të Përgjithshëm të BE-së e cila pritet të mbahet në dhjetor. Ai nuk përjashton mundësinë edhe të një takimi me kolegun e tij bullgar, Borisov.

- Advertisment -

“Ne nuk jemi larg arritjes së marrëveshjes, vetëm duhet të kemi vullnet, të shohim pozitivisht dhe ta kemi të ardhmen të projektuar para nesh. Besoj se kjo është e mundur të ndodhë deri në mbledhjen e dytë të Këshillit të Përgjithshëm, më 8, 9 apo 10 dhjetor, apo kurdo që të jetë, një takim edhe mes meje dhe Borisovit- deklaroi Zoran Zaev.

Kryeministri bullgar, Borisov tha se vendi i tij gjithnjë ka qenë i gatshëm për dialog. “Bullgaria gjithnjë ka qenë e gatshme për dialog dhe mirëkuptim në zgjidhjen e çështjeve dypalëshe me Republikën e Maqedonisë së Veriut, por kjo duhet të dëshirohet dhe zbatohet nga të dy anët” është shprehur Borisov në takim me euro-ambasadorët.

Ndërkohë opozita maqedonase insiston për përgjegjësi nga Qeveria për veton bullgare. Në partinë e Mickovskit thonë se pas dështimit dhe gënjeshtrave për fillimin e negociatave me BE-në dhe tregtisë me identitetin maqedonas, Zaev e ka humbur legjitimitetin për të qeverisur me vendin.

“Ai luajti bixhoz me interesat shtetërore, identitetin dhe popullit. Luajti “All in” dhe humbi. Pyesim cilët janë ato koncesione? A është e vërtetë se Zaev iu ka premtuar disa njerëzve të caktuar se në rrugën drejt BE-së, si pjesë e çmimit për ta fituar mbështetjen e Qeverisë bullgare do të jetë edhe shitja direkte e aksioneve shtetërore në Institucione shtetërore, të cilat duhet të kalojnë në kapital të biznesmenëve bullgarë, aksione për të cilat paralajmëroi shitje publikisht Qeveria Zaev?’ pohoi Dimçe Arsovski, VMRO DPMNE.

Nisjen e bisedimeve me BE-në, Sofja e kushtëzon me respektimin e formulimit të gjuhës në përputhje me Marrëveshjen 2017-tës, me udhërrëfyes preciz për zbatimin e marrëveshjes dhe heqje dorë nga pretendimet për pakicë maqedonase në Bullgari.

Anesa Salihu

LEXO EDHE:

Back to top button