Zbulohet biseda mes Kilian Mbape-s dhe Luis Enrike-s

Kilian Mbape ka pasur bisedën e tij të parë me trajnerin e ri të PSZH-së, Luis Enrike përmes një telefonate. Sulmuesi i bëri të qartë shefit të ri se ai synon të luajë për PSZH sezonin e ardhshëm, sipas asaj që raporton “Relevo”. Mbape tani do të kthehet në stërvitjet e klubit parisien përpara turneut të tyre parasezonal. PSZH është ende i zemëruar me francezin për refuzimin e tij për të nënshkruar një kontratë të re duke e mbajtur atë në klub përtej vitit 2024.

Hierarkia e klubit i ka dhënë atij një ultimatum për ta bërë këtë deri më 31 korrik. Nëse Mbape ende refuzon të zgjasë kontratën e tij deri në atë datë, kampioni i Ligue 1 thuhet se do të bëjë gjithçka që mundet për ta detyruar atë të largohet.

Ndërkohë, Real Madridi ka qëndruar i heshtur për këtë çështje dhe do të lëvizë vetëm kur PSZH të jep sinjale dhe Mbape pranon të lëvizë, sipas Josep Pedrerol të “El Chiringuito TV”.