Zëdhënësja e Shtëpisë së Bardhë fajëson Trump-in për “urrejtjen ndaj aziatiko-amerikanëve”
Zëdhënësja e Shtëpisë së Bardhë, Jen Psaki, tha se shprehjet si “virusi i Wuhan-it” të përdorura nga administrata e Donald Trump-it për koronavirusin e ri (COVID-19) kanë ndikuar në rritjen e krimeve të urrejtjes ndaj aziatiko-amerikanëve në vend, raporton Anadolu Agency (AA).
Në një konferencë shtypi në Shtëpinë e Bardhë, Psaki tërhoqi vëmendjen për vdekjet e aziatiko-amerikanëve në sulmet e armatosura në Atlanta në mbrëmjen e 16 marsit dhe krimet në rritje të urrejtjes kundër aziatiko-amerikanëve në vend.
“Nuk ka dyshim se retorika e dëmshme në periudhën e administratës së mëparshme (Donald Trump), si shprehja ‘virusi i Wuhan-it’ dhe shprehje të tjera, çuan në perceptime të pasakta, të padrejta kundrejt aziatiko-amerikanëve. Si rezultat, krimet e urrejtjes kundër këtij komuniteti janë rritur në gjithë vendin”, tha Psaki.
Ajo theksoi se po vazhdon hetimi mbi sulmet ndaj salloneve të masazhit në Atlanta, ku kryesisht punojnë aziatiko-amerikanë. Psaki po ashtu vuri në dukje janë ende duke hetuar aktet e terrorizmit të brendshëm.
