Zgjedhjet parlamentare në Kosovë, sot nis votimi me postë për shtetasit që jetojnë jashtë
Zgjedhjet parlamentare në Kosovë, sot nis votimi me postë për shtetasit që jetojnë jashtë
Komisioni Qendror i Zgjedhjeve në Kosovë ka njoftuar se ka filluar votimi me postë për shtetasit që jetojnë jashtë vendit dhe që e kanë zgjedhur këtë mënyrë të votimit.
“Kjo periudhë (9 janar – 8 shkurt 2025) do të vlejë vetëm për shtetasit që kanë arritur të regjistrohen suksesshëm si votues jashtë Kosovës dhe që gjatë regjistrimit janë përcaktuar individualisht për mënyrën e votimit, duke dërguar fletëvotimin përmes postës në një nga kutitë postare të hapura nga KQZ jashtë Kosovës, apo duke dërguar fletëvotimin përmes postës në kutinë postare të KQZ-së në Kosovë”, njofton KQZ në Kosovë.
Shtetasit kanë mundësi të votojnë gjatë periudhave 09.01.2025- 08.02.2025.
Sipas listës së votuesve të certifikuar nga Komisioni Qendror i Zgjedhjeve 104,924 shtetas të Republikës së Kosovës e që jetojnë jashtë vendit kanë të drejtë vote në zgjedhjet e 9 shkurtit.
