Zjarret në Hawaii, 1100 persona të zhdukur

Dy javë pas zjarreve vdekjeprurëse që shkatërruan ishullin Maui, të Havait autoritetet njoftuan se 1100 persona rezultojnë të zhdukur, për pasojë kërkojnë ndihmën e familjarëve për gjetjen e tyre. Ndërkohë është konfirmuar se si pasojë e zjarreve 115 persona kanë humbur jetën.

Tragjedia mund të rezultojë të jetë e përmasave edhe më të mëdha, me një bilanc shumë më të rëndë. Pasi zjarri pothuajse fshiu nga harta qytetin turistik të Lahaina me 12 mijë banorë, emrat e mijëra personave të zhdukur shfaqen në faqet e rrjeteve sociale ose në dosjet e agjencive të ndryshme në polici, Kryqin e Kuq, etj. Numri ka të ngjarë të rritet pasi FBI ende po mbledh të dhëna shtesë në terren. /alsat.mk