Zjarri masiv në Kanada krijon re gjigande

Temperaturat rekord dhe zjarret e mëdha në Kanadanë perëndimore kanë lëshuar re gjigande duke shkaktuar edhe rrufe në një fenomen që i ka habitur meteorologët.

Shumica e zjarreve në të gjithë Kolumbinë Britanike krijuan re gjigande, të cilat u formuan kur nxehtësia e zjarrtë dhe tymi që dilnin nga zjarret ngriheshin drejt qiellit.

Rrufetë në re prodhojnë motin e tyre, përfshirë tornadot në disa raste, të cilat më pas mund të shkaktojnë zjarre të reja në një cikël vicioz.

Dakota Smith, një meteorologe në Institutin e Kolorados për Kërkime në Atmosferë, tha në një cicërimë se po vëzhgonte “sjellje zjarri absolutisht shumë të rralla në Kolumbinë Britanike”.

Daniel Swain, një klimatolog me Institutin e Mjedisit dhe Qëndrueshmërisë në UCLA, shkroi në Twitter: Unë kam parë shumë ngjarje të lidhura me zjarrin gjatë epokës satelitore dhe mendoj se kjo mund të jetë më unikja që kam parë ndonjëherë. ”

Ai shtoi: Kjo është një stuhi zjarri, duke prodhuar mijëra rrufe dhe pothuajse me siguri zjarre të reja të panumërta.