Zvicra nis hetimet ndaj menaxherëve të “Le Constellation” pas zjarrit vdekjeprurës

Prokurorët zviceranë kanë njoftuar se menaxherët francezë të një bari, ku shpërthimi i zjarrit la të vdekur 40 persona, janë vënë nën hetim penal.

Zjarri shpërtheu në barin “Le Constellation” në Crans-Montana natën e Vitit të Ri, duke lënë të lënduar edhe 119 persona të tjerë.

Përderisa një numër i viktimave janë identifikuar, shumë familje po përballen me pritje për të marrë informacion për personat që ende konsiderohen të zhdukur.

Policia bëri të ditur më herët se viktimat e para të identifikuara dhe që u janë kthyer familjeve janë dy të reja zvicerane, të moshave 21 dhe 16 vjeç, si dhe dy të rinj zviceranë, të moshave 18 dhe 16 vjeç.

Sipas hetimeve paraprake, shkaku i mundshëm i zjarrit ishte përdorimi i fishekzjarrëve mbi shishet e shampanjës, të cilët janë afruar shumë pranë tavanit të lokalit, duke shkaktuar përhapjen e flakëve.