Zyrtare, Ramadani trajner i KF “Ohod Club” në Arabinë Saudite
Trajneri nga Shkupi, Zekirija Ramadani është zyrtarizuar nga klubi i Arabisë Saudite, “Ohod Club”. Ekipi i cili bën pjesë në Kategorinë e Dytë të Arabisë Saudite nëpërmjet një njoftimi në “Tuitter” ka konfirmuar marrëveshjen me Ramadanin.
“Klubi njofton se ka lidhur kontratë me Ramadanin, që do ta drejtojë ekipin e parë”, ka njoftuar Ohod në faqen në Tuitter.
Trajneri shqiptarë në Superligën e Kosovës ka fituar tituj kampioni me Trepçën ‘89, Feronikelin e Prishtinën. Po ashtu ka fituar Kupën e Kosovës dhe Superkupën me Feronikelin, dhe Superkupën me Trepçën ‘89.
