193 gjoba për shkelje të rregullave në trafik

Ministria e Punëve të Brendshme (MPB) njofton se gjatë ditës së djeshme në territorin e Shkupit janë shqiptuar gjithsej 193 gjoba për shkelje të rregullave të trafikut, prej tyre: 40 janë për tejkalim të shpejtësisë, 12 për vozitje pa leje dhe 8 për automjete teknikisht të parregullta.

Sipas MPB-së janë shqiptuar edhe 9 gjoba për përdorimin e telefonit, 8 për kalim në të kuqe në semaforë, 6 për automjete të paregjistruara dhe 3 për vozitje në gjendje të dehur.