194 shoferë të gjobitur në Shkup, 21 për tejkalim të shpejtësisë

Ministria për Punë të Brendshme (MPB) njofton se gjatë ditës së djeshme në territorin e Shkupit ka regjistruar gjithsejtë 194 shkelje të rregullave të trafikut, prej tyre: 21 për tejkalim të shpejtësisë, 12 për vozitje pa patentë shoferi, pesë për kundërvajtje nga drejtuesit e motoçikletave.

Sipas raportit të MPB-së janë shqiptuar dhe 14 gjoba për përdorim të celularit gjatë drejtimit të automjetit, tre sanksione për kalim në semafor të kuq, dy sanksione për mosvënien e rripit të sigurisë, katër masa për automjete me defekte teknike dhe të paregjistruar.

Nga MPB njoftojnë se kontrollet e trafikut do të vazhdojnë edhe në ditët në vijim. Apelojnë tek qytetarët që të respektojnë rregullat e komunikacionit në mënyrë që të rrisin sigurinë dhe të kontribuojmë për rrugë më të sigurta.