“Tragjedia në Koçan” / 20 pacientë të ri janë shtruar në spital, përfshi dhe tre zjarrfikës
"Tragjedia në Koçan" / 20 pacientë të ri janë shtruar në spital, përfshi dhe tre zjarrfikës
Edhe 20 pacientë të ri nga zjarri në Koçan janë shtruar sot në spital, në mesin e tyre edhe tre zjarrfikës, njofton Fondi i Sigurimeve Shëndetësore në llogarinë e tij në Facebook.
“Gjatë ditës së djeshme, janë hospitalizuar 20 raste të reja, duke përfshirë tre zjarrfikës. Me këtë, numri i personave të hospitalizuar, pavarësisht transferimit jashtë vendit, arrin rreth 90 të lënduar. Prej tyre, 60 persona janë në Qendrën Klinike, 17 në SPQ 8 Shtatori dhe 12 në Shën Naumi i Ohrit. Në Axhibadem Sistina ka 8 të lënduar, ndërsa në Zhan Mitrev 6. Sot jashtë vendit janë transferuar 24 të lënduar, prej të cilëve 13 në Serbi, dy në Slloveni, katër në Letoni, një në Bullgari dhe katër në Austri. Në Serbi, një person është hospitalizuar në Qendrën Klinike Nish, katër në AUM dhe tetë në Qendrën Klinike Beograd. Numri i plotë i të lënduarve jashtë vendit arrin 73. Priten transporte të reja gjatë natës për Athinë, Greqi dhe Zagreb, Kroaci. Sot arritën edhe ekipe nga Izraeli nga Qendra Sheba. Ekipet e Çekisë dhe Izraelit janë në Qendrën Klinike në Shkup”, njoftojnë nga Fondsi për Sigurim Shëndetësorë./Alsat.mk
