fbpx

27 Prilli, gjykata nuk merr parasysh mbrojtjen


Dëshmitë e kundërshtuara nga mbrojtja një ditë më parë, sot u gjetën në gjyqin për personat që urdhëruan ndërhyrjen e përgjakshme në Kuvend më 27 Prill 2017. Përmes mesazheve SMS dhe Viber, Prokuroria në Gjykatën Penale paraqiti koordinimin e porositësve të akuzuar për hyrjen e dhunshme. Ish ministrat Mile Janakieski dhe Spiro Ristovski kanë dhënë udhëzime për mobilizimin e anëtarësisë së VMRO- DPMNE-së. Edhe Kryetari i atëhershëm i Kuvendit Trajko Veljanoski gjithashtu ka pasur rol të vetin.

MESAZHET 27.04.2017

Mile Janakieski:

Para Kuvendit.

Gjithnjë e më shumë njerëz.

Le ta marrim hapësirën.

Kërsto Mukoski:

Zaev u paraqit për procedurale.

Shkoni drejt atyre, kudo që të shkojnë.

Do të krijojmë një problem, le të fillojnë ata së pari.

Spiro Ristovski:

Përforconi nga kudo.

Maksimum.

 

MESAZHET

Trajko Veljanoski me Nikolla Gruevskin:

Të të informoj se Zaev do të zgjedh kryetar…

Veljanoski me Ilija Dimovskin:

Shihni nëse ata me të vërtetë e zgjedhin Talatin sot në ora 17. Do të ketë tenda.

Dimovski me Veljanoskin:

E shpallën Talatin.

Dimovski me Veljanoskin:

Shih të vijnë deputetë përpara kabinetit.

Derisa Prokuroria i tregonte këto mesazhe, në sallën e gjyqit të pandehurit Mile Janakieski dhe ish-drejtori i DSK-së Vlladmir Atanasovski ishin vazhdimisht në telefonat e tyre. Me mesazhet si dëshmi në rastin e urdhëruesve të incidenteve në Kuvend, Prokuroria e përfundoi procedurën e saj dëshmuese para gjykatës. Në seancat e radhës do të paraqiten dëshmitë e mbrojtjes. I pari do të jetë Trajko Veljanoski. Gjykimi do të vazhdojë të premten.

Igor Stefanovski

LEXO EDHE:

Leave a Reply

Your email address will not be published.

Back to top button