300 mijë familje pa energji elektrike në Poloni, bora bllokon rrugët

Në Poloni, rreth 300 mijë familje janë pa energji elektrike nga reshjet e dendura të borës.

Kushtet e këqija të rrugëve kanë shkaktuar disa aksidente me vdekje dhe vonesa të trenave, veçanërisht në jug. Shërbimet e urgjencës në zonë thanë se iu përgjigjën më shumë se 2 mijë thirrjeve brenda një dite.

Në Malopolskie dhe Podkarpackie, ekipet e riparimit po luftojnë për të hyrë në linjat e dëmtuara të energjisë për shkak të kushteve të rrezikshme.

Me temperaturat që pritet të bien më tej, autoritetet në të gjithë vendin janë në gatishmëri të lartë.