38% më shumë sulme kibernetike në botë

Sulmet cyber në botë janë rritur 38% gjatë vitit 2022. Dhe organizatat shëndetësore janë ato më të goditurat. Statistikat janë bërë të ditura nga kompania e sigurisë informatike Check Point Software, sipas të cilave në nivel botëror trendi i sulmeve informatike ka pësuar rritje mjaft domethënëse.

Duke u bazuar në statistika, cyber sulmet në sistemin shëndetësor kanë qenë ato që kanë pësuar goditjet më të mëdha, ku mesatarisht numërohen 1463 sulme në javë, që përbën 74% më shumë në krahasim me vitin 2021.

Ekosistemi ransomware vijon të zgjerohet me grupe të vogla kriminale, dhe sipas ekspertëve të sigurisë informatike, hakerat po shtrijnë vëmendjen e tyre kundrejt programeve si Slack, Teams, dhe Google Drive përmes phishing.

Gjithashtu edhe institucionet arsimore kanë një rritje të sulmeve ndaj tyre me rreth 43%, ku në javë verifikohen rreth 2300 hakërime.

Si pasojë e pandemisë në botë dixhitalizimi ka qenë më përhapje të shpejtë, dhe njëkohësisht edhe sulmet informatike janë rritur ndjeshëm. Kjo duket se është sfida më e madhe edhe për këtë vit, siguria në rrjet, pasi sipas ekspertëve në 2023 parashikohet një rritje e mëtejshme e sulmeve kibernetike, që prekin të dhëna sensitive.