7 fëmijë të plagosur dhe një i vdekur nga të shtënat në Çikago

Së paku tetë fëmijë janë plagosur, përfshirë një për vdekje, gjatë të shtënave në qytetin amerikan të Çikagos gjatë festës së fundjavës për Ditën e Punës, bëri të ditur policia në një konferencë shtypi.

Katërvjeçari Mychal Moultry u godit dy herë në kokë kur plumbat e lëshuar jashtë shtëpisë së tij në lagjen Woodlawn në pjesën jugore të qytetit fluturuan përmes një dritareje të hapur, sipas ABC News.

Ai u qëllua të premten në mbrëmje teksa ishte duke prerë flokët. Moultry u dërgua me urgjencë në spital, ku vdiq më vonë.

“Pse po vazhdoni të jeni pranë të rinjve – fëmijëve tanë?” tha zyrtari i policisë së Çikagos, David Brown, drejtuar autorëve.

“Kjo është për shkak ju. Ne do t’i mbajmë përgjegjës kundërvajtësit, por pse po jetoni një jetë kriminale që përfshin katërvjeçarë të pafajshëm? Qëndroni larg fëmijëve nëse doni ta jetoni atë jetë”, shtoi ai.

Policia po ofron shpërblim prej 9.000 dollarësh për informacionin që çon në arrestimin e vrasësit të Moultry-t.

Mosha e shtatë fëmijëve të tjerë varion nga 12 deri në 18.

Midis mbrëmjes të së premtes dhe orëve të para të Ditës së Punës, gati 50 njerëz u plagosën nga të shtënat, sipas ABC News.