74 vjeçari Bahader, futbollisti më i vjetër profesionist

Ezeldin Bahader nga Egjipti, vendosi rekord të ri në librin e Ginisit, duke zhvilluar një sfidë profesioniste në moshën 74 vjeçare. Për tu regjistruar në librin e Ginisit, duhet të zhvilloni së paku dy ndeshje me minutazh të plotë, një gjë të cilën pa shumë vështirësi e plotësoi Bahaderi.

Ndeshjen e parë e zhvilloi para pandemisë së koronavirusit, ndërsa të dytën e zhvilloi në fundjavë. Ai ishte pjesë e skuadrës “6 tetori”, që zhvilloi ndeshjen e plotë, në disfatën 2-3 nga skuadra El Ajat Sports.

Bahader është i lindur më 3 nëntor 1945, ndërsa në takimin e parë, para pandemisë, shënoi edhe gol nga penaltia. Bahader tejkaloi rekordin e mëparshëm, të vendosur nga Isak Hajik.