Për vozitje të shpejtë janë dënuar 256 shoferë, njoftojnë nga MPB

Ministria e Punëve të Brendshme njofton se pas një aksioni kontrollues në të gjithë territorin e vendit janë dënuar 256 shoferë, transmeton Alsat. 27 makina kanë tejkaluar shpejtësinë për 50km/h, ndërsa tre makina kanë tejkaluar shpejtësinë për 70 km/h nga e lejuara. Prej 256 vozitësve të sanksionuar, 125 kanë thyer rregullat e shpejtësisë në zona të banuara, kurse 131 jashtë zonave të banuara.