COVID-19, nga e premtja rivendoset gjendja e jashtëzakonshme në Francë
Rritja e shifrave të personave të prekur me COVID-19, ka bërë që qeveria franceze të rishikojë masat për parandalimin e përhapjes së virusit.
Këshilli i Ministrave në Francë njoftoi se gjendja e emergjencës shëndetësore do të rikthehet, vendim ky i njoftuar me një dekret të miratuar.
Parisi e kishte miratuar gjatë periudhës së pandemisë dhe afati i fundit i gjendjes së emergjencës ishte 9 korrik.
Por, nga e premtja në Francë do të kthehet gjendja e jashtëzakonshme, ku qeveria do të njoftojë masat urgjente për kufizimin e lëvizjes së lirë të qytetarëve.
