Kërceu me parashutë nga 111 metra lartësi me një shpejtësi prej 180 kilometra në orë
Alpinisti britanik George King-Thompson është dënuar me katër muaj burgim me kusht në Spanjë, pasi është hedhur me parashutë nga maja e luhatësja më e madhe në Evropë.
22-vjeqari ka pranuar se ishte futur dhunshëm në parkun Port Aventura në Costas Dorada, ku pasi u ngjit në maje u hodh dhe hapi parashutën nga 111 metra lartësi – duke u lëshuar me shpejtësi prej 180 kilometra në orë, transmeton Telegrafi.
Këtë moment ai e filmoi, por më pas u kap nga forcat e rendit. Megjithatë kjo nuk është hera e parë që ky i ri shkel rregullat dhe dënohet. E njëjta i kishte ndodhur në vitin 2019.
Megjithatë hiq më lehtë nuk shpëtoi as spanjolli 18-vjeç që e filmoi hedhjen e tij me parashutë nga konstrukti i metaltë.
Dyshja në fund u liruan por për ta shijuar këtë liri është dashur të paguajnë nga 480 euro, dhe që gjatë dy viteve të ardhshme të mos bëjnë shkelje të tilla në Spanjë.
