Për dy ditë të festivalit ‘SunnyHill’, Gërmia mbulohet nga mbeturinat dhe dëmtohet gjelbërimi

Pas përfundimit të natës së dytë të festivalit të njohur “SunnyHill”, Parku i Gërmisë ka përfunduar në një gjendje që sigurisht se askush nuk do të dëshironte ta shihte.

Krahas performancave gjatë festivalit, ajo çka mori vëmendje pas përfundimit të organizimit, ishte parku i bukur i Gërmisë, i cili shihet se ka përfunduar në një vend ku hodhën mbeturinat.

Një numër i mbeturinave shihet se ka dëmtuar pamjen e gjelbëruar të parkut, gjithashtu edhe ambientin.

Sipas pamjeve, shihet se një pjesë e konsiderueshme e parkut të Gërmisë është e mbushur me bërllok, kryesisht gjëra ushqimore.

Vlen të theksohet se kjo nuk është hera e parë që Parku i Gërmisë, mbulohet me mbeturina gjatë kohës sa mbahet ky festival, e njëjta gjë ka ndodhur edhe herën e kaluar kur ka qenë organizimi.

Se si po duket Gërmia sot, pas përfundimit të festivalit mbrëmë mund ta shihni në pamjet e mëposhtme.