Një bukuri aliene që po zhduket dalëngadalë: Fenomeni natyror i Islandës – Shpellat e Akullta
Shpellat e akullit islandez janë një fenomen natyror krejtësisht i pazakontë dhe i mahnitshëm. Këto zgavra në muret e akullnajës formohen kur shiu dhe uji i shkrirë rrjedhin nga akullnaja, duke depërtuar nëpër to, duke krijuar format më të pazakonta. Në muajt e verës, kur akullnaja tërhiqet, ky peizazh i ngrirë ndryshon dhe shpella dhe zgavra të reja shfaqen gjatë dimrit, transmeton TU Magazine.
Ky fenomen i mahnitshëm natyror thjesht i detyroi turistët ta vizitojnë atë gjithnjë e më shpesh, për të shijuar bukurinë e tij aliene. Megjithatë, kjo mrekulli blu e natyrës po shkrihet dita-ditës dhe praktikisht po zhduket para syve tanë.
Skenat janë jashtëzakonisht tërheqëse, ndaj turistët në grupe të organizuara shkojnë në një turne dhe eksplorojnë brendësinë e akullnajës. Një nga akullnajat më të famshme është Breidamerkurjökull në Parkun Kombëtar Vatnajökull, rreth 380 kilometra në lindje të Reykjavík. Ajo mbulon rreth 17 kilometra katrorë, dhe zë një luginë të madhe dhe të thellë që zbret në rreth 300 metra nën nivelin e detit.
Fatkeqësisht, ajo është tërhequr, shumica e sipërfaqes së saj është zhdukur në 50 vitet e fundit. Ndryshimet klimatike po shkrin akullnajat e Islandës më shpejt se sa mund të rikuperohen, duke kërcënuar ekzistencën e tyre. Shkencëtarët kanë frikë se nëse kjo prirje vazhdon, në 150 vjet ata nuk do të ekzistojnë fare.
Turne turistike të organizuara nëpër akullnajat dhe shpellat synojnë kryesisht të rrisin ndërgjegjësimin për ndryshimet klimatike. Sot ato janë gjithnjë e më të njohura, ka grupe prej 300 deri në 400 turistësh që i vizitojnë në turne të organizuara. Shpellat mund të vizitohen midis nëntorit dhe marsit, ndërsa moti është ende i ftohtë.
View this post on Instagram
