Steve Wozniak: Inteligjenca Artificiale mashtrimet dhe dezinformatat mund të i bëjë më të vështira për t’u dalluar

Bashkëthemeluesi i Apple, Steve Wozniak ka paralajmëruar se Inteligjenca Artificiale (AI) mund t’i bëjë mashtrimet dhe dezinformatat më të vështira për t’u dalluar.

Wozniak thotë se ka frikë se teknologjia do të shfrytëzohet nga “njerëz dashakeq”.

Duke folur për BBC, ai tha se përmbajtja e AI-s duhet të etiketohet qartë dhe rregullimi ishte i nevojshëm në këtë sektor.

Pionieri i informatikës nënshkroi një letër në mars së bashku me miliarderin Elon Musk duke bërë thirrje për një pauzë në zhvillimin e modeleve më të fuqishme të AI-s.

Wozniak i njohur më mirë në botën e teknologjisë si Woz, është një veteran i Silicon Valley i cili bashkëthemeloi Apple me Steve Jobs dhe shpiku kompjuterin e parë Apple.

Duke folur për BBC, ai foli për përfitimet e AI-s dhe shqetësimet e tij.

“AI është aq inteligjent sa është e hapur për lojtarët e këqij, ata që duan t’ju mashtrojnë se kush janë”.

Termi AI mbulon sistemet kompjuterike të afta për të kryer detyra që normalisht do të kishin nevojë për inteligjencë njerëzore. Kjo përfshin chatbot të aftë për të kuptuar pyetjet dhe për t’u përgjigjur me përgjigje të ngjashme me njeriun, dhe sisteme të afta për të njohur objektet në foto.

Wozniak nuk beson se AI do të zëvendësojë njerëzit sepse i mungojnë emocionet, por ai paralajmëroi se, sipas tij, do t’i bëjë ‘aktorët e këqij’ edhe më bindës, sepse programet si ChatGPT mund të krijojnë tekst që “tingëllon kaq inteligjent”.

Ai mendon se përgjegjësia për çdo gjë të krijuar nga Inteligjenca Artificiale dhe më pas e postuar në publik, duhet t’u mbetet atyre që e publikojnë.“Një njeri duhet të marrë me të vërtetë përgjegjësinë për atë që gjenerohet nga AI”.