Çfarë ndodh kur ndalojmë së ngrëni bukë: Arsyeja për të humbur peshë

Shpesh dëgjojmë nga personat që kanë vendosur të humbin peshë se e eliminojnë bukën nga dieta e tyre sepse përshpejton rënien në peshë. “Story” shkruan se çfarë ndodh realisht në organizëm kur eliminojmë bukën nga dieta.

Humbja e peshës e shkaktuar nga mbajtja e ujit

Buka është plot me karbohidrate , dhe nxjerrja e papritur e tyre do të ndikojë në trup dhe do të çojë në humbje peshe. Megjithatë, nuk bëhet fjalë për humbje të shpejtë në peshë, por për zhdukje të ujit që grumbullohet në organizëm.

Trupi ruan karbohidratet në formën e glikogjenit , acidit laktik që mbledh ujin. Çdo gram karbohidrate e mbajtur në trup ruan dhe lidh tre deri në katër herë peshën e tij në ujë.

Më pak nevojë për ushqim

Dihet se karbohidratet shkaktojnë një rritje të papritur dhe rritje të sheqerit në gjak, i cili më pas bie, duke shkaktuar uri dhe nevojë për ushqim. Kjo është një arsye tjetër pse buka ndikon në peshë sepse është e ngarkuar me karbohidrate.

Kjo nuk do të thotë që ju duhet ta eliminoni plotësisht bukën nga dieta juaj, por vetëm të zëvendësoni kaloritë boshe dhe bukën e bardhë me drithëra që rregullojnë dhe balancojnë sheqerin në gjak.

Më shumë energji dhe tretje më të mirë

Buka e bardhë, ndryshe nga buka e zezë apo integrale, nuk përmban fibra, të cilat janë shumë të nevojshme për funksionimin normal të zorrëve dhe tretjen. Një ushqim i tillë shkakton kapsllëk dhe probleme me tretjen. Pasi të përjashtoni bukën e bardhë nga menyja dhe të përfshini drithërat në dietën tuaj të përditshme, tretja fillon të funksionojë normalisht dhe lehtë.

Gjithashtu, karbohidratet janë ushqim dhe lëndë djegëse për trurin. Nëse ushqimi është i cilësisë së mirë, truri funksionon normalisht, pa vështirësi, por nëse ushqimi për trurin nuk është i shëndetshëm, trupi reagon negativisht duke shkaktuar një ndjenjë shqetësimi dhe lodhjeje.
Nutricionistja Casey Burns thekson se është e rëndësishme të futni karbohidratet në trupin tuaj me moderim dhe kjo është diçka që nuk duhet ta harroni.

“Duke përfshirë këto ushqime në dietën tuaj do të merrni mjaftueshëm fibra, hekur, acid folik dhe magnez, do të jeni të ngopur dhe do të keni mjaftueshëm energji. “Mos harroni se asnjë ushqim nuk është në thelb i keq, ka të bëjë vetëm me një ekuilibër dhe përcaktimin e pjesëve më të mira për ju”, thekson Barnes.