Bllokohet nëndetësja në Kinë, dyshohet për 55 marinarë të vdekur

Kapiteni i nëndetëses kineze dhe 21 oficerë të tjerë besohet të jenë mes të vdekurve. Kina mohon zyrtarisht se incidenti ka ndodhur.

“Inteligjenca raporton se më 21 gusht ka ndodhur një aksident gjatë një misioni në Detin e Verdhë. Incidenti ndodhi në orën 8:12 të mëngjesit me orën lokale dhe 55 anëtarë të ekuipazhit vdiqën. Mes të vdekurve është kapiteni, koloneli Shue Yongpen”, thuhet në raportin britanik dhe nuk ka asnjë konfirmim tjetër të pavarur për humbjen e supozuar të nëndetëses kineze.

“Vdekja besohet të jetë shkaktuar nga hipoksia për shkak të një mosfunksionimi në sistemin e nëndetëses.” Nëndetësja goditi një zinxhir dhe pengesë ankorimi të përdorur nga Marina Kineze për të bllokuar nëndetëset e SHBA-së dhe aleatëve. Kjo rezultoi në dështime të sistemit që u deshën 6 orë për t’u riparuar dhe anija u tërhoq në sipërfaqe”, përfundon raporti.