Ohër, shtatë persona janë helmuar nga klori në një pishinë

Shtatë persona, dy nga Ohri dhe pesë nga Shkupi, dy prej të cilëve të mitur, janë helmuar nga klori në pishinë në një hotel në Ohër. Siç njoftojnë nga SPB- Ohër, ata kanë përdorur pishinën e mbyllur të hotelit, pas çka kanë denoncuar se kanë shfaqur shenja të helmimit me klor. Me këtë rast, në Spitalin e përgjithshëm në Ohër, janë dërguar katër persona, ndërsa tre në Spitalin e përgjithshëm në Strugë. Për rastin janë njoftuar prokurori publik, përfaqësues të inspektorati sanitar dhe shëndetësor, Qendra për shëndet publik dhe inspektorati i punës, ndërsa hetime kanë kryer edhe nëpunës policorë nga SPB Ohër. Rasti është duke u zbardhur. Personat e helmuar janë jashtë rrezikut për jetën. /Alsat.mk