Akuzohet se ndihmoi trafikantët e drogës/ Shpallet fajtor ish presidenti i Hondurasit, rrezikon burg të përjetshëm

Ish-presidenti i Hondurasit, Juan Orlando Hernandez, u shpall fajtor të premten për komplot të trafikut të drogës nga një juri amerikane. Juristët në gjykatën federale në Manhatan iu deshën rreth dy ditë për të marrë një vendim, pas një gjyqi dy-javor. 55 vjeçari mund të përballet me burgim të përjetshëm.

Gjykatësi i qarkut amerikan Kevin Castel do të përcaktojë dënimin e tij në një datë të mëvonshme. Avokati i tij tha se ai do të apelojë vendimin. Hernandez udhëhoqi Hondurasin nga 2014 në 2022.

Gjatë presidencës së tij, vendi i Amerikës Qendrore mori më shumë se 50 milionë dollarë ndihmë amerikane kundër narkotikëve dhe dhjetëra milionë dollarë ndihmë sigurie dhe ushtarake.

Por Departamenti i Drejtësisë tha se Hernandez abuzoi me pushtetin e tij duke pranuar miliona dollarë ryshfet nga trafikantët për të mbrojtur dërgesat e tyre të kokainës në SHBA dhe për të nxitur ngritjen e tij në politikën e Hondurasit.

Hernandez u dënua për tre akuza: përdorimin e mitralozëve për të çuar më tej një komplot të importimit të kokainës, komplot për të përdorur automatikë për ta çuar përpara atë komplot dhe komplot për të importuar kokainë në Shtetet e Bashkuara.

“Juan Orlando Hernandez abuzoi me pozitën e tij si President i Hondurasit për të operuar vendin si një narko-shtet ku trafikantët e dhunshëm të drogës lejoheshin të vepronin pa u ndëshkuar dhe njerëzit e Hondurasit dhe Shteteve të Bashkuara u detyruan të vuanin pasojat”, tha Prokurori i Përgjithshëm Merrick Garland.