Hodhi grepin dhe nxori kasafortën – U habit kur kuptoi se kishte kapur një thesar

James Cain dhe Barbie Agostini janë një çift nga Nju Jorku që e duan peshkimin. Ata e shfrytëzojnë çdo moment të lirë për të shkuar në peshkim dhe përveç peshkut kapin lloj-lloj gjërash. Megjithatë, ajo që ata “kapën” në lumin Flushing në Queens Park i tejkaloi pritshmëritë e tyre.

Siç tha James për ABC news, ishte një ditë si të tjerat.

– Unë dhe gruaja ime shkuam në park në Queens dhe nga ura hodhëm grepin në lumë. Nuk kaloi shumë kohë dhe kuptova se diçka kishte ngecur. U përpoqa të nxirrja kapjen nga lumi, por ishte e vështirë. Përdora të gjitha aftësitë e mia dhe përdora gjithashtu një magnet për të nxjerrë gjahun nga lumi. Kur e morëm më në fund, kuptova se kisha rrëmbyer një kasafortë të vjetër – e fillon rrëfimin James.

Çfarë kishte në kasafortë?

Ai dhe gruaja e tij ishin në lumin Flushing, i cili rrjedh nëpër një nga katër parqet më të mëdha në Nju Jork (“Flushing Meadows Corona Park” në Queens), dhe mbulon një sipërfaqe prej 897 hektarësh. Krahas lumit, park ka edhe dy liqene.

I gjithë i emocionuar James arriti të thajë kasafortën dhe e hapi menjëherë. Ai mbeti pa fjalë nga tronditja kur pa se çfarë kishte brenda. Në baltë kishte 100 mijë dollarë!

“Menjëherë kontaktuam policinë e Nju Jorkut për të raportuar gjetjen e kasafortës dhe për të konfirmuar nëse bëhej fjalë për ndonjë veprimtari të paligjshme”, tha ai.

Pas një hetimi të detajuar, policia konstatoi se kasaforta nuk kishte lidhje me asnjë krim dhe çifti kishte të drejtë të mbante paratë.

– Kush e di sa kohë ishte kasaforta në ujë. Paratë ishin mjaft të dëmtuara dhe nuk më lejuan t’i prekja shumë që të mos prisheshin. Së bashku me kasafortën i çuam në Ministrinë e Financave në Uashington dhe besoj se do të arrijnë t’i shpëtojnë – tha James.

Ai dhe gruaja e tij u interesuan për këtë lloj “peshkimi” gjatë pandemisë së koronës dhe shpesh përdorin një magnet për të nxjerrë pasuri nga lumenjtë.

– Me këtë lloj peshkimi, ju mund të pasuroheni dhe të pastroni mjedisin në të njëjtën kohë. Nga lumenjtë kemi nxjerrë të gjitha llojet e gjërave – armë, granata, motoçikleta, madje edhe dron – shtoi ai.

James dhe gruaja e tij i dokumentojnë zbulimet e tyre dhe i vendosin në YouTube, sepse njerëzit kënaqen duke i parë ata të heqin plehrat nga ujërat, veçanërisht në zemër të Nju Jorkut.