E mëson trupin të njohë një sulm: A do të ndihmojë një vaksinë kundër kancerit ovarian në çrrënjosjen e kësaj sëmundjeje tinëzare?
E mëson trupin të njohë një sulm: A do të ndihmojë një vaksinë kundër kancerit ovarian në çrrënjosjen e kësaj sëmundjeje tinëzare?
Shkencëtarët në Mbretërinë e Bashkuar që punojnë për të krijuar vaksinën e parë në botë kundër kancerit të vezoreve shpresojnë se ajo mund të ndihmojë në çrrënjosjen e kësaj sëmundjeje të keqe.
Kjo vaksinë mund të funksionojë në mënyrë të ngjashme me vaksinën e virusit papilloma njerëzore (HPV) , raportoi së fundmi Sky News. Vaksina e quajtur OvarianVax mëson sistemin imunitar të njohë një sulm në trup në fazat më të hershme të kancerit ovarian.
Shkencëtarët nga Universiteti i Oksfordit po punojnë për zhvillimin e vaksinës. Studiuesit duhet të përcaktojnë ende se cilat proteina në sipërfaqen e qelizave të kancerit ovarian në fazën e hershme njihen më mirë nga sistemi imunitar dhe se si vaksina mund t’i shkatërrojë ato në mënyrë efektive. Pas këtyre provave dhe testeve në laborator, ata do të jenë në gjendje të kalojnë në provat klinike te njerëzit që kanë mutacionin e gjenit BRCA që rrit në mënyrë dramatike rrezikun e prekjes nga kanceri ovarian, si dhe te gratë e shëndetshme.
