Një fizikan atmosferik shpjegon se çfarë e shkaktoi katastrofën në Spanjë

Fizikani atmosferik Branco Grisongio shpjegon se çfarë ndodhi në Valencia, ku një sasi vjetore reshjesh ra në tetë orë, gjë që nuk është aspak një dukuri normale.

– Më e keqja ka mbaruar. Por do të ketë efekte dytësore për shkak të dallgëve, për shkak të reagimit të detit dhe shiut i cili ende nuk është ndalur plotësisht. Në këtë zonë është shfaqur një ciklon jashtëzakonisht i thellë dhe nuk po lëviz shumë shpejt – shpjegon fizikani.

– Deti i ngrohtë është karburanti më i mirë për çdo ciklon, pavarësisht nëse është Adriatik, Mesdhe apo uragan apo tajfun. Nëse ka ajër më të ftohtë përreth, atëherë ai ajër i ngrohtë ngrihet spontanisht. Era ndihmon pak më shumë dhe ka mjaft avuj uji për të krijuar një sasi kaq të madhe reshjesh që përndryshe nuk do të ndodhnin në tokë. Pra, kishte një depresion troposferik. Në popull i quajmë pika të ftohta. Pastaj ai ciklon u përhap nga toka deri në fillim të stratosferës. Kështu, mbi 90 për qind e atmosferës u përfshi në këtë proces të tmerrshëm ciklonik – thotë ai dhe shton se e gjithë kjo lidhet me ndryshimet klimatike.

– Një stuhi e vetme nuk mund t’i atribuohet drejtpërdrejt ndryshimit të klimës. Por stuhitë e shumta së bashku në një zonë relativisht të ngushtë, një e treta e Evropës, disa prej tyre në një ose dy muaj, atëherë ndoshta është e lidhur. Dhe kjo tani mund të përcaktohet me mbi 95 përqind probabilitet me ndryshime të përshpejtuara klimatike. Jo vetëm një ndryshim, por edhe një ndryshim i ndryshimit, një përshpejtim i rritjes së temperaturës – pohon Grisogno.