Viva për herë të katërt është zgjedhur marka më e njohur në kategorinë “Lëngje Natyrale” nga konsumatorët

Për herë të katërt, Viva është marka më e njohur dhe zgjedhja e parë e konsumatorëve në vitin 2024 kur bëhet fjalë për lëngje natyrale, sipas hulumtimit më të fundit “Markat më të njohura sipas konsumatorëve” nga agjencia  Insider ID. Me një njohje të markës prej 31% në kategorinë “Lëngje Natyrale”, Viva konfirmoi besimin afatgjatë të konsumatorëve në produktet e kompanisë.

Rezultatet janë pjesë e studimit gjithëpërfshirës “Zinxhirët e Preferuar të marketeve dhe markat më të njohura për vitin 2024,” realizuar në nivel kombëtar përmes intervistave personale me 1,200 konsumatorë aktivë. Hulumtimi ofron një pasqyrë të saktë mbi perceptimet dhe preferencat e konsumatorëve maqedonas.

“Jemi mirënjohës për besimin që na japin konsumatorët tanë dhe që jemi zgjedhja e tyre e parë si marka më e njohur e lëngjeve në Maqedoni. Për katër vite me radhë, ky çmim prestigjioz është një konfirmim se përkushtimi ynë për cilësinë dhe prodhimin me përpunim të frutave dhe perimeve të freskëta është i njohur dhe i vlerësuar. Çmimi është edhe një tjetër tregues se jemi në rrugën e duhur dhe se përkushtimi ynë për cilësi të lartë është i njohur në treg,” theksojnë nga kompania.

Hulumtimi i agjencisë Insider ID, e cila për të katërtin vit me radhë kryen një analizë gjithëpërfshirëse në 16 kategori të ndryshme, konfirmon udhëheqësinë e vazhdueshme të Viva-s në segmentin e lëngjeve natyrale. Ky sukses është rezultat i strategjisë afatgjatë të kompanisë për ruajtjen e standardeve të larta në prodhim dhe qasjen inovative në treg.

Në vitin e saj jubilar që nga themelimi, Viva jo vetëm që ruan pozicionin udhëheqës, por vendos edhe standarde të reja në industri. Kompania vazhdon të zhvillojë gamën e saj të produkteve duke ndjekur trendet moderne dhe nevojat specifike të konsumatorëve. Përkushtimi ndaj standardeve të larta dhe zhvillimi i vazhdueshëm mbetet forca kryesore e rritjes së markës, e cila  ka ndërtuar me sukses besimin e konsumatorëve maqedonas për më shumë se tre dekada.

Planet e kompanisë për të ardhmen përfshijnë investime të mëtejshme në zhvillimin e produkteve dhe teknologjive të reja, për të ruajtur pozicionin udhëheqës në treg dhe për të rritur pjesëmarrjen në tregjet ndërkombëtare.