Kosovë, 1 mijë e 655 të vdekur nga COVID-19
Që nga 13 marsi i vitit të kaluar kur edhe u paraqitën dy rastet e para pozitive me COVID-19 në Kosovë, numri i të infektuarve me këtë virus deri më tani në Kosovë ka shkuar në 73 mijë e 635 raste. Shkak i infektimit me koronavirus kanë vdekur 1 mijë e 655 persona.
Sipas të dhënave ditore të Institutit Kombëtar të Shëndetësisë Publike të Kosovës deri më sot janë shëruar 62 mijë e 198 qytetarë. Ndërkohë që vetëm 24 orët e fundit në vend janë raportuar 6 vdekje dhe 587 raste pozitive. Ndërsa, aktualisht në Kosovë janë 9 mijë e 782 raste aktive me COVID-19.