A e dini se çfarë ndodh nëse vendosni pak sheqer në shampon e flokëve?

Ka shumë ilaçe natyrale që mund t’i përdorim për shëndetin dhe bukurinë e kokës dhe flokëve, dhe shumë prej jush me siguri i kanë provuar tashmë. Për shembull – lani flokët me uthull molle ose një maskë të bërë me vaj ulliri ose kokosi, etj.

Por çfarë do të ndodhë nëse shampos i shtojmë një lugë sheqer? Këshilla për të provuar këtë truk të thjeshtë vjen nga e famshmja Francesca Fusco , një dermatologe italiane, e cila siguron se ky ilaç natyral në mënyrë efektive kontribuon në një skalp më të shëndetshëm, transmeton novilist.hr.

Si? Sheqeri i përzier me shampo mundëson eksfolim (peeling) të butë të lëkurës, i cili nga njëra anë eliminon lëkurën e vdekur dhe nga ana tjetër lejon që produktet e përdorura të funksionojnë më mirë. Gjithashtu, të mos harrojmë se një skalp i shëndetshëm inkurajon rritjen e rregullt të flokëve të rinj.

Të gjithë e dimë se marrja e sheqerit nuk është e mirë për trupin tonë, por efekti i këtij ushqimi të aplikuar në flokë mund të jetë i ndryshëm.

Pasi të përdoret së bashku me shampon, në fakt, sheqeri duke vepruar si një eksfoliant natyral do t’ju lejojë të absorboni më mirë kondicionerët ose maskat e flokëve.

Si të përdorni sheqerin për flokët

Kur lani flokët, shtoni një lugë sheqer në dozën e shampos (mundësisht hidratues). Ky truk i vogël, sipas ekspertit, më së miri do ta kthejë lëkurën, pra lëkurën e kokës, në gjendje të mirë dhe në këtë mënyrë do të ndihmojë në rast të zbokthit, acarimit apo kruajtjes.

Gjegjësisht, shtimi i një luge sheqer mundëson një eksfolim të butë të lëkurës së kokës, ndërsa shampoja, duke eliminuar të gjitha qelizat e vdekura të lëkurës dhe papastërtitë e grumbulluara, siguron një pastrim të thellë të lëkurës së kokës. Në këtë mënyrë parandalon shfaqjen e yndyrës në rrënjë.

Kundërindikimet për sheqerin në flokë

Si gjithmonë, nuk duhet të ekzagjerojmë. Ju nuk duhet ta përdorni këtë ilaç natyral me çdo larje!

Rekomandohet ta përdorni çdo tre deri në pesë herë në muaj, përndryshe do të keni kundërefekt.