A e ndotë ajrin një lopë, po aq sa një makinë?!

Bujqësia është përgjegjëse për rreth 14 për qind të gazeve në botë. Një pjesë e konsiderueshme e këtyre emetimeve vijnë nga metani, i cili, për sa i përket kontributit të tij në ngrohjen globale, është 23 herë më i fuqishëm se dioksidi i karbonit. Organizata Amerikane e Ushqimit dhe Bujqësisë thotë se prodhimi i metanit bujqësor mund të rritet me 60 për qind deri në vitin 2030.

1.5 miliardë lopë në botë dhe miliarda kafshë të tjera që kullosin lëshojnë dhjetëra gazra ndotës, duke përfshirë shumë metan. Dy të tretat e të gjithë amoniakut vjen nga lopët.

Lopët lëshojnë një sasi masive metani përmes gromësirës, me një sasi më të vogël përmes lirimit të gazërave. Statistikat ndryshojnë në lidhje me sasinë e metanit që nxjerr mesatarisht lopa qumështore. Disa ekspertë thonë se 100 litra deri në 200 litra në ditë, ndërsa të tjerë thonë se është deri në 500 litra në ditë. Në çdo rast, kjo është shumë metan, një sasi e krahasueshme me ndotjen e prodhuar nga një makinë në një ditë.

Për të kuptuar pse lopët prodhojnë metan, është e rëndësishme të dini pak më shumë se si funksionojnë ato. Lopët, dhitë, delet dhe disa kafshë të tjera i përkasin një klase kafshësh të quajtura ripërtypës. Ripërtypësit kanë katër stomak dhe e tretin ushqimin në stomak dhe jo në zorrët e tyre, siç bëjnë njerëzit. Ripërtypësit e hanë ushqimin, e rikthejnë atë dhe e hanë përsëri. Stomaku është i mbushur me baktere që ndihmojnë në tretje, por edhe prodhojnë metan./animalshowstuffworks.com/