Ageler në “Rruga drejt” flet për listën e zezë amerikane

Ambasadorja e Shteteve të Bashkuara të Amerikës në kuadër të emisionit “Rruga drejt” e pyetur nga gazetarja Fatlume Dervishi rreth listës së zezë amerikane, me përgjigje të prerë se sanksionet e SHBA-së nuk nënkuptojnë përgjegjësi ligjore për ata persona këtu. Ajo tha se janë institucionet e vendit ata që duhet t’i bëjnë personat e korruptuar të mbajnë përgjegjësi.

“SHBA-të mund të sanksionojnë një individ, por ne nuk i burgosim ata, nuk vijmë këtu dhe t’i arrestojmë, ne vetëm u themi atyre se u vendosim sanksionet e caktuara financiare, ose që nuk do të munden më të udhëtojnë në SHBA, ose çfarëdo forme të sanksioneve që marrin. Çfarë është shumë e rëndësishme, dhe këtu do t’i kthehem synimit tim të mëhershëm, është se çfarë ndodh këtu, çfarë ndodh në këtë vend. Sanksionet tona nuk ndryshojnë procedurat ligjore ose zbatimin e ligjeve në këtë vend. Kështu që, SHBA-të mund të thonë, ja ku i keni dy emra të njerëzve që ne do t’i sanksionojmë dhe siç e kemi parë me rastet që cituat, sanksionet mbesin pavarësisht vendimeve gjyqësore që janë marrë për ata individë, por nuk nxisin asnjë proces gjyqësor këtu. Kjo i takon qeverisë së Maqedonisë së Veriut, kjo u takon zyrtarëve të zgjedhur nga njerëzve të këtij vendi. Ata duhet të thonë: ne kërkojmë nga të zgjedhurit tanë të mbajnë përgjegjësi për korrupsionin që shohim çdo ditë”, deklaroi Angela Ageler, ambasadore e SHBA-së në Maqedoni.