Agjentja e Halandit: Vlen 1 miliard euro, do t’i thoja “Po” vetëm Laportës
Erling Haaland ishte një nga transferimet më të mëdha të merkatos së verës së kaluar, duke u larguar nga Borusia Dortmund dhe nënshkruar me Man. Siti në këmbim të 150 milionë eurove. Pavarësisht se ka një kontratë me klubin anglez deri në vitin 2027, informacionet vazhdojnë të mblidhen për një transferim të ardhshëm në pak sezone.
Në një intervistë për ‘AS’, agjentja e tij aktuale, Rafaela Pimenta, ka siguruar se “për mua, Haaland vlen 1 miliard euro, ndoshta askush nuk do ta paguajë atë, por është potenciali që ai ka, kur të arrijë në një klub tjetër”.
Braziliania bëri një hap përpara në karrierën e saj si agjente futbollistësh për të drejtuar kompaninë e përfaqësimit të drejtuar nga Mino Raiola, i cili vdiq vitin e kaluar. Të dy u takuan në vitin 1998 dhe që atëherë janë partnerë. E pyetur për marrëdhënien e saj me Zhoan Laporta, me të cilin Mino krijoi një lidhje përtej natyrës thjesht profesionale, Pimenta pranoi se ajo gjithashtu ka një marrëdhënie të mirë me presidentin e Barçës.
“Unë them gjithmonë se Laporta nuk mund të më kërkojë asgjë në futboll, nuk është e drejtë, sepse e di që do t’i thoja vetëm PO”, – shtoi në intervistën e sipërpërmendur.
Barça hetoi inkorporimin e Haaland në tregun e transferimeve të verës, por financiarisht, klubi katalanas nuk mund të përballej me një transferim të këtyre përmasave dhe mbeti jashtë garës për norvegjezin. Megjithatë, ai vazhdon të jetë një nga objektivat e ardhshme të Laporta-s, megjithëse skuadra e tij u përforcua mirë në pozicionin e qendërsulmuesit me ardhjen e Robert Levandovskit.
