Alegri: I gjithë ekipi dëshiron të arrijë në finale

Juventusi nuk luajti në mënyrën më të mirë në ndeshjen e parë të gjysmëfinaleve të Ligës Evropa, teksa për pak humbën nga Sevilja dhe arritën të barazojnë rezultatin vetëm në limitet kohore.

Trajneri i Juventusit beson se skuadra e tij e meriton një vend në finalen e Ligës Evropa, pavarësisht faktit se Sevilja ka konfirmuar forcën e saj të jashtëzakonshme në këtë turne.

“I gjithë ekipi dëshiron të arrijë në finale, me gjithë respektin për Seviljan. Ne e kemi fituar këtë të drejtë. Ne duam shumë të shkojmë në Budapest dhe do të luftojmë me forcë të plotë”, tha Allegri /abcnews/