Arrestohen dy kontrabandistë të emigrantëve

MPB njofton se gjatë ditës së djeshme janë arrestuar dy persona për kontrabandë me migrantë. Në veturat e tyre janë kapur 6 emigrantë.

“Me datë 12.11.2022 rreth orës 14:30 në rrugën Demir Kapi – Negotinë, në vendin e quajtur “Jella”, zyrtarë policor të stacionit policor Negotinë kanë ndaluar S.F.(26) nga Shkupi, i cili drejtonte veturën e pasagjerëve BMW me targa të Shkupit, dhe A.Q.(20) nga Gjevgjelia, i cili drejtonte mjetin motorik të pasagjerëve “Seat” me targa të Gjevgjelisë, pasi në vetura janë gjetur gjashtë emigrantë (pesë nga Siria dhe një nga Pakistani)”, thonë nga MPB.