Arrestohet 26 vjeçari nga Tetova, ja për çka akuzohet

Ministria për Punë të Brendshme (MPB) njoftoi se gjatë ditës së djeshme rreth orës 12:10 në Tetovë, zyrtarët policorë të Sektorit për Punë të Brendshme Tetovë kanë zbardhur gjashtë vjedhje të motoçikletave dhe kanë arrestuar V.N (26) nga Tetova.

Siç njoftojnë nga MPB, ai dyshohet se muajin e kaluar dhe këtë muaj ka marrë ilegalisht gjashtë motoçikleta, tre prej të cilave iu gjetën në banesë.

“Motoçikletat e gjetura u janë kthyer pronarëve, dhe kundër V.N. do të vijojë një parashtrim i duhur sipas neneve 235 dhe 236 të Kodit Penal”, thuhet në njoftimin e lëshuar nga MPB-ja.